Дзюдо. Әлемдік Гран-при кезеңі. Қос қазақстандық финалда кездесті
Хух-хотта өтіп жатқан Әлемдік Гран-при кезеңінде 60 келіге дейінгі салмақ дәрежесі бойынша бақ сынаған қос отандасымыз Елдос Сметов пен Құсман Қырғызбаев финалда кездесті.
Аталған белдесуде Елдос Сметовтың бағы жанып, алтыннан алқа тақса, Ғұсман Қырғызбаев күмісті олжалады.
60 келіге дейінгі салмақта белдескен балуанымыз Елдос Сметов жарыста қарсылас шақ келтірмеді. Алғашқы белдесуінде жапондық Юма Ошиманы қосымша уақытта (голден скор) вазари ұпайымен, екінші айналымда ресейлік Роберт Мшвидобадзені уақытынан бұрын таза жеңіп, жартылай финалға жолдама алды. Жартылай финалда Бразилия дзюдошысы Пелим Фелипені иппон ұпайымен ұтып, финалға шыққан болатын.
Ал Ғұсман Қырғызбаев финалға дейін жеңіліссіз 3 кездесу өткізді. Ол алғашқы белдесуінде Солтүстік Кореялық Пае Донг Жонгпен кездесіп иппонмен жеңсе, екінші белдесуінде моңғолиялық Ганбад Болдбаатарды ұтып, жартылай финалға жолдама шығып, жартылай финалда Амартувшин Дашдавааны уақытынан бұрын иппон ұпайымен жеңіп,шешуші кезеңге жолдама алған болатын.
