Қазақстандық кәсіпқой боксшы Данияр Елеусінов бесінші жеңісіне қол жеткізді

Қазақстандық боксшы Данияр Елеусінов (5-0, 3 КО) Монте-Карлодағы (Монако) бокс кешінде никарагуалық Маркос Мохиканы (16-3-2, 12 КО) нокаутқа түсірген жеңісі туралы пікір білдірді.

«Бақыттымын, өте жақсы өнер көрсете алдым. Джон Дэвид Джексонның қоластында шеберлігім арта түскенін байқап жүрмін. Баршаға, командама, Эдди Хирнге рахмет! Өз күшіме сенемін бе? Мен көбірек дер кезінде ұра алатыныма сенемін. Жалпы, Монте-Карлодағы жекпе-жекті өз басым тамаша өткіздім, бұл үлкен шоу, жаңа деңгей», - деді Елеусінов.

Еске сала кетейік, Данияр Елеусінов үшін бүгінгі жеңісі кәсіпқой мансабындағы үшінші нокаут болды. Бұған дейін екі америкалықты нокаутпен жеңген: Ноа Киддті (3-1-1, 2 КО) үшінші раундта, Мэтт Доэртиді (8-6-1, 4 КО) бірінші раундта-ақ тізе бүктірді.

inform.kz 

Фото: Matchroom Boxing