Астанада аударыспақтан ашық Азия чемпионаты өтеді

15-маусымда Астана қаласында Ұлттық спорт түрлері қауымдастығының ұйымдастыруымен аударыспақтан ашық Азия чемпионаты өткізілмек. Айтулы додаға Еуропа мен Азиядан 10 елдің командасы қатысады, деп хабарлайды қауымдастықтың баспасөз қызметі. Олар: Ауғанстан, Әзірбайжан, Венгрия, Қырғыз, Қытай, Моңғолия, Түркия, Тәжікстан, Өзбекстан, РФ Алтай Республикасы. Қазақстан атынан шығатын негізгі үміткерлер: Е.Жапишев, Е.Байғонов (70 келіде), С.Ізбасаров, М.Аринов (90 келіде), Б.Қосалиев, М.Тамикенов (90 келіден жоғары салмақта). Жарыс 15-маусым күні, сағат 11.00-де «Қазанат» атшабарында өтеді.