Тау шаңғышыларын үлкен бәсеке күтіп тұр

Тау шаңғысы спортынан Қазақстан құрамасы Сочи Олимпиадасының төрт лицензиясына ие болды. Ел намысын Игорь Закурдаев, Дмитрий Кошкин, Мартин Хубер және Екатерина Черепанов қорғайды. «Қазақстандық спортшылардың жүлдеге іліге қоюы оңай емес. Өйткені, елімізде тау шаңғысы бойына кәсіби дайындыққа көп көңіл бөлінбеген. Өткен жылдан бастап спортшыларымыз халықаралық жарыстарға қатысып, тәжірибе жинақтады. Сочи Олимпиадасында отыздыққа ену – жақсы нәтиже», - дейді Тау шаңғысы спорты федерациясының хатшысы Камила Омарова. Тау шаңғышылары өткен маусымда Әлем Кубогының кезеңдеріне қатысқан. Әрбір спортшының Олимпиадаға дайындығы жекелей жүргізілген. Олар 3 ақпанда Сочиге ұшады, деп жазады «Караван» газеті.