75 жастағы волонтер Олимпиадада қызмет атқарады

Сочи Олимпиадасында жасы үлкен волонтерлердің бірі – Александр Бондаренко. Томск қаласының 75 жастағы тұрғыны ақпараттық технология саласында қызмет атқармақ. Александр Бондаренко осымен екінші рет Олимпиадаға волонтер ретінде келіп отыр. Ол 1980 жылы жазғы Мәскеу Олимпиадасын ұйымдастыруға қатысқан. Ардагер қысқы ойындардың волонтерлік курсын сәтті аяқтап, іріктеуден мүдірмей өткен. Осы күнге дейін спортпен шұғылданатын Александр Бондаренконы жерлестері аңыз-адам деп атап кеткен.