Сочи Олимпиадасын «Тату» тобы мен Алина Кабаева ашады

Сочи Олимпиадасының ашылу салтанатына қатысты мәліметтер құпия сақталғанымен, кейбірі жария болуда. Мысалы, Ксения Собчак «Твиттерде» Ресей туын ұстап шығатындар қатарында Валентина Терешкова, Никита Михалков, Валерий Гергиевтер бар екенін айтқан. Ал Ақ Олимпиада алауын Алина Кабаева жағады. Сондай-ақ Сочи 2014 Олимпиадасының ашылу салтанатында «Тату» тобы өнер көрсететіні белгілі болды. Бұл туралы дуэттің «ВКонтакте» әлеуметтік желісіндегі парақшасында жазылған еді. Алайда кейіннен жазба өшірілді, деп хабарлайды Tengrinews.kz Естеріңізге сала кетейік, Сочи қаласында өтетін қысқы Олимпиада шымылдығы 7-ақпанда ашылады. Жарыс 23-ақпанға дейін жалғаспақ.