Қазақстандық шорт-трекшілер іріктеуден өте алмады

Сочи Олимпиадасында қазақстандық шорт-трекшілер Айдар Бекжанов пен Денис Никиша 1500 метрлік қашықтықта жартылай финалға шыға алмады. Бекжанов бесінші, ал Никиша алтыншы нәтиже көрсетіп, іріктеуден өте алмай қалды. Ал, әйелдер арасынан 500 метрлік қашықтықтағы жарыста ел намысын қорғаған Инна Симонова келесі кезеңге шыға алмады. Сочи Олимпиадасында шорт-тректен 1500 метрлік қашықтықтағы ерлер бәсекесінде канадалық Шарль Амлен жеңіске жетті. «Күміс» жүлдені қытайлық Хань Тяньюй иеленсе, «қоланы» ресейлік Виктор Ан еншіледі.