Норвегиялық шаңғышы Олимпиада «алтынынан» айырылуы мүмкін

Халықаралық Олимпиада комитеті норвегиялық шаңғышы Марит Бьергенді жазалауы мүмкін. Сочиде 15 шақырымдық скиатлон жарысында топ жарған шаңғышыға Олимпиада кезінде жарнамаға түсті деген айып тағылып отыр. Оның суреттері Ludo атты интернет-дүкеннің жарнамасына пайдаланылған. Егер интернет-дүкен өз жарнамаларын тоқтатпаса, онда шаңғышы қыз Сочиде жеңіп алған «алтынымен» қош айтысады. ХОК-тің маркетинг директоры Бьерген медальдан айырылуы мүмкін екенін айтты. Себебі ол өзінің суреттерін қандай жарнамада қолданылғанын білуі тиіс. Алайда, басты кінә суреттерді рұқсатсыз пайдаланған жарнама компаниясының мойнында.