Қазақстандық дзюдошы Елдос Жұмақанов Әлем чемпионатында 5-ші орын иеленді

Қазақстандық палуан қола жүлде үшін болған белдесуде өзбекстандық Ришод Собировқа есе жіберді. 66 келі салмақ дәрежесінде күресетін қазақстандық дзюдошы Астанада өтіп жатқан дзюдодан Әлем чемпионатының финалына шыға алмады. Ал, қола жүлде үшін күресте екі дүркін Әлем чемпионы, Пекин мен Лондон Олимпиадасының қола жүлдегері өзбекстандық Ришод Собировқа есе жіберді. Айта кетейік, Астанада өтіп жатқан Әлем чемпионатының алғашқы күні 60 келіде Елдос Сметов алтын, ал Рустам Ыбраев күміс медаль жеңіп алған еді.