Рио Олимпиадасына билеттердің соңғы ірі партиясы 4,5 сағат ішінде сатылып кетті

Рио-де-Жанейродағы Олимпиада билеттерінің 100 мыңнан астам дана көлеміндегі соңғы ірі партиясы сатылымға түсті. Барлық билеттер 4,5 сағат ішінде сатылып кетті, деп хабарлайды Рио-2016 ресми сайты. Олимпиадаға арналып барлығы 7,5 миллион билет шығарылған болатын. Естеріңізге сала кетсек, төртжылдықтың басты бәсекесі Бразилияның Рио-де-Жанейро қаласында 5-21 тамыз аралығында өтеді.