Сколари финалда Бразилия мен Аргентина кездескенін қалайды

Футболдан Бразилия құрамасының бас бапкері Луис Фелипе Сколари Әлем чемпионатының финалында Бразилия мен Аргентина кездеседі деп жорамал жасады. Сколари бұл қорытындыны турнирлік кесте арқылы саралай отырып жасаған. Дегенмен сараптаманың қалай негізделгенін айтпады. Бірақ, болжамның орындалуына үмітті екенін жеткізді. «Бұл шебер ойыншылардан жасақталған Оңтүстік Америка елдерінің финалы болады деп үміттенемін», - деді ол. Бразилия мен Аргентина құрамасы Әлем чемпионатының финалында төрт рет кездескен. Футболдан Әлем чемпионаты 12 маусым мен 13 шілде аралығында Бразилияда өтеді. Ақтық бәсекені Рио-де-Жанейро қаласындағы Маракана стадионы қабылдайды.