Серік Сәпиев: Басты қарсылас – Өзбекстан боксшылары

«Біздің жігіттер командалық есепте топ жарады деп сенемін. Әділбек Ниязымбетов, Иван Дычко және Данияр Елеусінов «алтын» алуы тиіс. Құрамадағы өзге де жігіттердің Инчхоннан жеңіспен оралуына мол мүмкіндік бар. Алайда, мен атап өткен алғашқы үш жігітке сексен пайыз сенімдімін. Азия ойындарындағы басты қарсыластарымызға келер болсақ, әрине, ол Өзбекстан құрамасы. Олардың боксшылары әрқашанда қарымды. Үндістан мен Қытайға да атүсті қарамаған жөн. Жекелей салмақтарда олардың жақсы боксшылары бар. 3 қазан күні жеңісті тойлаймыз деп ойлаймын», - дейді Лондон Олимпиадасының чемпионы. confederation.kz