Инчхон-2014. Қазақстандық теннисшілер Гонконг құрамасын ұтты

Оңтүстік Кореяның Инчхон қаласында өтіп жатқан теннистен ерлер арасындағы жарыстың алғашқы кездесуінде Қазақстан құрамасы Гонконг құрамасын ұтып, ширек финалға шықты. Кортқа алғаш болып шыққан Александр Недовесов Лонг Пак Юнгтен6:1, 6:3 есебімен басым түссе, келесі ойында Михаил Кукушкин 6:1, 6:1 есебімен Давид Сафаені жеңді. Ал, жұптық бәсекеде Михаил Кукушкин мен Александр Недовесов қарсыластары Холтинг Кевин Кунг пен Хун Чон Вонгті 6:3, 6:1 есебімен ұтты. Енді қазақстандық теннисшілер ширек финалда Үндістан құрамасымен кездеседі. Ойын дүйсенбі, 22 қыркүйекте өтеді. Фото: www.gotennis.ru