Зілтемірші Азамат Рымқұлов 9-шы орынды иеленді

Оңтүстік Кореяның Инчхон қаласындағы Азия ойындарында ауыр атлетикадан 62 келіге дейінгі салмақта ерлер бәсекесі аяқталды. Бұл салмақта екі сайыс қорытындысы бойынша әлем рекордын жаңартқан Солтүстік Корея спортшысы Унгук Ким чемпион атанды. Ол екі сайыста 332 келіні бағындырды. Сонымен, қатар жұлқа көтеруде 154 келіні көтеріп, тағы бір әлем рекордын орнатты. Екінші орынды қытайлық Льюн Чен, үшінші орынды индонезиялық Эко Юли Иравана иеленді. Ал, қазақстандық Азамат Рымқұлов 276 (126 + 150) келі нәтижесміен тоғызыншы орынды қанағат тұтты.