Инчхон-2014. Дзюдошы Максим Раков – Азия ойындарының күміс жүлдегері

Оңтүстік Кореяның Инчхон қаласында өтіп жатқан Азия ойындарының үшінші жарыс күнінде Қазақстан құрамасы алғашқы жүлдені иеленді. Дзюдошы Максим Раков (100 келі) финалда атақты Тувшинбаяр Найданнан жеңіліп қалды. Еске сала кетейік, моңғолиялық палуан жуырда Челябинскте өткен Әлем чемпионатында Раковты ұтып кеткен еді. Еске сала кетейік, 100 келіге дейінгі салмақта ел намысын қорғаған Максим Раков алғашқы белдесуінде пәкістандық Хуссейн Шахты иппон әдісімен жауырынын жерге тигізіп, айқын жеңіске жетті. Ал, жартылай финалда ирандық Джавад Махджубты 27 секундта жеңген болатын.