Максим Раков: Төрешілердің шешіміне көңілім толмады

Дзюдодан 2009 жылғы Әлем чемпионы Максим Раков Инчхон қаласындағы Азия ойындарының финалында төрешілердің әділетсіздігіне ұшырап қалдым, дейді. «Мен өзімнің нәтижеме разы емеспін. Мен күміс медальға емес, «алтынға» лайық едім. Негізі белдесу тең дәрежеде өтіп еді, бірақ мен төрешілердің құрбаны болдым. Амал жоқ, төрешілердің шешіміне қарсы шыға алмайсың. Енді, алдағы турнирлерге дайындығымды бастаймын. Қазан айында Астанада Гран-при турнирі өтеді», - дейді Максим Раков. Еске салсақ, Максим Раков Азия ойындарының финалында моңғолиялық Найдан Тувшинбаярдан ұтылып, күміс жүлдеге ие болған еді.