Қазақстандық спортшылар садақ ату спортынан жүлде ала алмады

Бүгін Инчхондағы Азия ойындарында садақ ату спорты бойынша жарыстар өтті. Қазақстандық спортшылар классикалық садақ атудан жарысты аяқтады. Еліміздің ерлер құрамасы бірінші раундта Солтүстік Корея ойыншыларынан жеңілсе, әйелдер құрамасы ширек финалда Оңтүстік Корея спортшыларынан ұтылып, жарыс жолынан шығып калды. Жекелей сында Фарида Түкебаева мен Луиза Сәдиева (әйелдер құрамасы) және Денис Ганькин (ерлер құрамасы) 1/8-ге дейін жетті, дегенмен ойынды әрі қарай жалғастыра алмады. Ал, кедергілер арқылы садақ атудан командалық жарыста еліміздің әйелдер құрамасы Үндістан ойыншыларынан, ерлер құрамасы Оңтүстік Корея спортышыларынан ұтылып қалды. Фото: www.2do2go.ru