Бокс. Ілияс Сүлейменов Азия ойындарының жартылай финалына өтті

Бүгін Инчхондағы Азия ойындарында бокс бәсекелері жалғасты. 52 келіге дейінгі салмақ дәрежесінде жұдырықтасқан Ілияс Сүлейменов шаршы алаңның қожайыны – Оңтүстік Корея боксшысы Сангдон Чоны 2:1 (28:27, 29:26, 27:28) есебімен жеңіп, жартылай финалға өтті. Демек, Ілияста кем дегенде қола медаль бар. Айта кетейік, бұл жекпе-жек Сүлейменов үшін 3-ші жекпе-жек болатын. Бұған дейін ол таиландтық Чатчай Батдиді және үндістандық Хулио Брианы жеңген еді. Фото: kfb.kz