Азия ойындарының финалында – Жәнібек Әлімханұлы

Инчхондағы Азия ойындарында ерлер арасында бокстан жартылай финалдық жекпе-жектер аяқталды. 75 келі салмақ дәрежесінде жұдырықтасқан Жәнібек Әлімханұлы үндістандық Кристиан Викашты 2:1 (28:29, 29:28, 30:27) есебімен жеңіп, финалға өтті. Айта кетейік, осыған дейін Ілияс Сүлейменов (52 келі), Данияр Елеусінов (69 келі), Әділбек Ниязымбетов (81 келі), Иван Дычко (+91) мен Біржан Жақыпов (46-49 келі) финалға шыққан болатын. Ал Қайрат Ерәлиев (56 келі) Азия ойындарының қола жүлдесін жеңіп алған. Фото: Данияр Майлыбаев