Каратэ. Сабина Захарова Азия ойындарында күміс медаль иеленді

Бүгін Инчхондағы Азия ойындарында каратэ жарысының финалдық жекпе-жектері өтті. Әйелдер арасында 55 келіге дейін салмақта сынға түскен қазақстандық Сабина Захарова тайпейлік Цу Юн Вен кездесті. Өкінішке қарай, Сабина 1:7 есебімен есе жіберіп, Азия ойындарының «күмісін» алды. Айта кетейік, Сабина шешуші сынға дейін индонезиялық Кок Истри Агунг Санистяраниді (8:0), Оңтүстік Корея спортшысы Таиюн Анды (0:0, 5:0) және филиппиндік Мае Сориано (6:1) ұтқан еді.