Испания Еуропа чемпинатының плей-офф кезеңіне шықты
Германияда өтіп жатқан футболдан 2024 жылғы Еуропа чемпионаты жетінші жарыс күнінің қорытындысында Испания құрамасы плей-офф кезеңіне жолдама алған екінші команда атанды.
Жарыс күнінің алғашқы матчы Словения мен Сербия құрамалары арасында өтті. Кездесу есебін словениялық Жан Карачник ашқан, ойынның соңғы минуттарында Лука Йовичтің арқасында Сербия таразы басын теңестіріп, командалар ұпай бөлісті.
Екінші матчта да командалар тең тарқасты. Харри Кейн Англия құрамасы сапынан көзге түсіп, есеп ашса, бірінші таймның аяқталуына жақын қалғанда Мортен Хьюлманн таразы басын теңестірді.
Ойын күнінде жанкүйерлер назарын өздерін аудартқан Испания мен Италия командалары арасындағы матчтың екінші таймында Роберто Калафьори өз қақпасына гол соқты. Жанкүйерлер бұл ойында басқа нәтижелі шабуыл көрген жоқ. Осылайша, Испания құрамасы үш ұпай олжалап, плей-офф кезеңіне жолдама алды.
