Алан Құрманғалиев Қытайдағы халықаралық турнирде күміс медаль жеңіп алды

Қазақстандық үстел теннисшісі Алан Құрманғалиев Қытайда өткен WTT China Youth Smash турнирінде екінші орын иеленді.

19 жасқа дейінгі спортшылар арасында сынға түскен отандасымыз финалға дейін алты қарсыласынан басым түсті. Жартылай финалда қытайлық У Ифэйді 4:3 есебімен жеңіп, шешуші кезеңге жолдама алды.

Ал финалда тағы бір қытайлық спортшы Тан Ижэньмен кездесіп, қарсыласына есе жіберді. Осылайша, Алан Құрманғалиев турнирдің күміс жүлдегері атанды.