WBO президенті Жәнібек Әлімханұлының жекпе-жегіне қатысты мәлімдеме жасады
Қазақстандық боксшы Жәнібек Әлімханұлы WBO нұсқасы бойынша екінші орта салмақтағы бос тұрған чемпиондық атақ үшін даниялық Якоб Банкпен жұдырықтасады.
Тараптар жекпе-жекті өткізу жөнінде келісімге келген. Бұл туралы WBO президенті Густаво Оливьери әлеуметтік желідегі парақшасында мәлімдеді.
«WBO Жәнібек Әлімханұлы мен Якоб Банктің командаларынан 168 фунт салмақтағы бос тұрған чемпиондық атақ үшін жекпе-жек өткізу жөнінде келісімге келгендері туралы ресми жазбаша хабарламаны алғанын қуана растайды. Қосымша мәлімет кейін жарияланады», – деп жазды Оливьери.
Бұл шешім Хамза Шираздың чемпиондық белбеуден ресми түрде бас тартуынан кейін қабылданған.
Сонымен қатар, The Ring басылымының журналисі Майк Коппингердің мәліметінше, жекпе-жек қаңтар айында Данияның Копенгаген қаласында өтеді. Бұл ақпаратты Якоб Банктің менеджері Спенсер Браун растаған.
Жәнібек Әлімханұлы екінші орта салмақтағы әлем чемпионы атағы үшін жұдырықтасады. Қазақстандық боксшы бұған дейін WBO нұсқасы бойынша орта салмақта әлем чемпионы атанған.
Сондай-ақ оқыңыз
Барлығы
Қазақстан ерлер құрамасы шайбалы хоккейден Азия чемпионы атанды
08.11.2026, 18:30
Михаил Шайдоров Қытайдағы Гран-при кезеңінде бесінші орын алды
08.11.2026, 13:45
«Ордабасы» - алтын дубль иегері!
07.11.2026, 19:35
Елена Рыбакинаның WTA Finals турниріндегі қарсыластары анықталды
04.11.2026, 09:12
Хоккейден Қазақстан құрамасының Азия чемпионатына қатысатын құрамы белгілі болды
03.11.2026, 11:35
Фатима Сұпығалиева – жасөспірімдер Олимпиадасының чемпионы!
02.11.2026, 22:11
Қазақстан құрамасы Азия чемпионатында тағы екі алтын медаль жеңіп алды
02.11.2026, 11:32
Бокстан Қазақстан U19 құрамасы әлем чемпионатын 8 медальмен аяқтады
28.10.2026, 10:30