Astana Motorsports экипажы «Дакар-2015» дайын

«Астана» Президенттік кәсіби спорт клубының құрамындағы ралли жарыстарға қатысатын Astana Motorsports командасы техникалық және әкімшілік шараларын сәтті аяқтады, деп хабарлайды Astana Motorsports командасының баспасөз қызметі. Қазақстандық төрт экипаж да Аргентина, Чили және Боливия мемлекеттерін басып өтетін әлемнің ең беделді әрі қауіпті ралли-марафоны «Дакарға» қатысуға рұқсат алды. Қатысушылар 9 мың шақырым жол жүру керек. Оның 5 мың шақырымы – өте жылдам арнайы аймақтар. «Дакар-2015» жарысында Қазақстан атынан Astana Motorsports командасының үш жеңіл және бір жүк көлігінің экипажы сынға түседі.