Жансая Әбдімәлік әлемдегі ең танымал клубтың құрамына кірді

Қазақстандық шахматшы Жансая Әбдімәлік Германияның ең үздік клубтарының бірі "Баден-Баденмен" келісімшартқа отырды. Отандасымыз өнер көрсететін ұжымда әлемнің ең мықты деген спортшылары жиналған. Мысалға атап айтар болсақ, ресейлік Александра Костенюк, украиналық әйгілі спортшылар Анна және Мария Мазычуктар, Қытай елінің өкілі Хоу Тфань эәне болгариялық Антоанета Стефанова. 

Осы маусымда қазақстандық шахматшы мен оның командаластары 11 тур ойнап, келесі жылдың мамыр айында Бундеслиганың мықтысы анықталады. Жансая Германиядағы жорығын сәтті бастады. Алғашқы турда Швеция шахтамшысы Инна Агрестті айқын басымдықпен ұтты.