Ғалия Тынбаева Qazaqstan Barysy Grand Slam жарысында бесінші орын алды

Әйелдер арасында (-48 кг) салмақ дәрежесінде бақ сынаған Ғалия Тынбаева Астанада өтіп жатқан Qazaqstan Barysy Grand Slam жарысында бесінші орынға тұрақтады.

Қола жүлде үшін өткен белдесуде спортшымыз Кристина Дудинаға(INA) Waza-Ari ұпайымен жеңілді. 

Алғашқы кездесуінде Бельгия спортшысы Луиз Петитті жеңген Ғалия, ширек финалдың жолдамасы үшін өзбек қызы Халимджон Курбоноваға есе жіберген болатын. Осылайша, жұбаныш белдесуінде португалиялық Коста Катаринаны жеңіп, қазақстандық спортшы үшінші орынға күресу мүмкіндігін алды.

Жарыстың бірінші күні Ғалия Тынбаева турнирдің финалына жолдама алған жалғыз қазақстандық қыз болды.

Ерлер арасында Қазақстан сапынан финалда Мағжан Шамшадин (-60кг) мен Ғұсман Қырғызбаев (-66кг) бақ сынайды.