«Kazsport» ЖХЛ-дың плэй-офф аясындағы «Сарыарқа» - «Торпедо» матчтарын тікелей эфирде көрсетеді

25 ақпанда Жоғарғы хоккей лигасында плэй-офф ойындары басталады. Биылғы турнирдің ерекшелігі – жарыстың 1/8 финалында еліміздің екі командасы, яғни қарағандылық «Сарыарқа» мен өскемендік «Торпедо» бір-бірімен кездеседі. Хоккей айдынындағы қазақстандық дербиді «Kazsport» телеарнасы тікелей эфирде көрсетеді. Қарағандыда өтетін алғашқы матчтың тікелей көрсетілімін көрермендер 26 ақпанда сағат 18:50-де тамашалай алады. Ал, «Сарыарқа» мен «Торпедо» арасындағы 2-ші ойын 27 ақпанда сағат 16:50-де тікелей эфирде көрсетіледі. Айта кетейік, ЖХЛ чемпионатын «Сарыарқа» 8-ші, «Торпедо» 9-шы орында аяқтады. Біріншілікте командалар екі рет кездесіп, екеуінде де өскемендік клуб жеңіске жеткен еді.