«Айсұлу» хоккей клубы Еуропа әйелдер лигасының қола жүлдегері атанды

Еуропа әйелдер хоккей лигасында алматылық «Айсұлу» хоккей клубы 27-28 ақпан күндері Италияның Триеста қаласында өткен турнирде қола жүлдегер атанды. Жартылай финалдық ойында алматылық клуб австриялық «Salzburg Eagles» командасымен ойнап, 2:3 есебімен ұтылып қалды. Ал, үшінші орын үшін өткен ойында «Айсұлу» командасы венгериялық «KMH Budapest» клубын 4:3 есебімен жеңіп, турнирде үшінші орын иеленді. Еске сала кетейік, Еуропа әйелдер лигасының іріктеу кезеңі 2015 жылдың қазан және 2016 жылдың ақпан айы аралығында өткен еді.