Павлодар облысы әкімінің Кубогы үшін жедел шахматтан халықаралық турнир өтеді

Турнирге шахматтан құрлықтық ойындардың әр жылғы чемпиондары қатысады деп күтілуде. Шахмат ойыны 9 турдан тұратын айналма жүйе бойынша өтеді. Бақылау уақыты: бірінші жүрістен бастап әр жүріс үшін 10 секунд қосымша уақытпен партия аяғына дейін - 15 минут. Жарыс ХШФ (халықаралық шахмат федерациясы) ережесі бойынша жүреді. Жүлде қоры 3 миллион теңге болатын жарысты Павлодар облысының әкімдігі, Павлодар облысының Дене тәрбиесі және спорт басқармасы, Павлодар облысының Шахмат федерациясы ұйымдастыруда. Қатысушылар: Александр Халифман (Ресей) – халықаралық гроссмейстер, 1999 жылғы ХШФ классикалық шахматтан Әлем чемпионы, Олимпиаданың үш мәрте жеңімпазы. Алексей Александров (Беларусь) – халықаралық гроссмейстер, шахматтан Еуропа чемпионы. Адли Ахмед (Египет) – халықаралық гроссмейстер, Африканың екі мәрте чемпионы, Африка Олимпиада ойындарының үш мәрте чемпионы, Жастар арасындағы Әлем чемпионы. Хулио Гранда Зунига (Перу) – халықаралық гроссмейстер, Американың төрт мәрте чемпионы. Ли Молтон (Автралия) – халықаралық дәрежедегі шебер, классикалық, жедел және қарқынды шахмат ойындары бойынша Австралия чемпионы. Евгений Владимиров (Қазақстан) – халықаралық гроссмейстер, Азияның төрт мәрте чемпионы. Павел Коцур (Қазақстан) – халықаралық гроссмейстер, Азияның төрт мәрте чемпионы, Жастар арасындағы әлемнің вице-чемпионы. Петр Костенко (Қазақстан) – халықаралық гроссмейстер, Азияның үш мәрте чемпионы, Жастар арасындағы әлемнің вице-чемпионы. Әнуар Ісмағаметов (Қазақстан) – халықаралық гроссмейстер, Азияның үш мәрте чемпионы, Жастар арасындағы әлемнің вице-чемпионы. Ринат Жұмабаев (Қазақстан) – халықаралық гроссмейстер, Азияның үш мәрте чемпионы. Турнир 28-30 қаңтар аралығында өтеді.