Астанада спринтерлік көпсайыс бойынша конькимен жүгіруден Қазақстан чемпионаты өтуде

Жарысқа облыстық командалар мен Қазақстан Ұлттық құрамасы қатысуда. Қазақстан чемпионаты қорытындысы бойынша қыздар арасынан бір және ерлер арасынан екі спортшы іріктеліп, Астанада өтетін Әлем чемпионатына қатысуға мүмкіндік алады. Қазақстан чемпионаты алғаш рет төрт күн өтуде. 21-22 қаңтарда «Б» тобы жас спортшылар жарысады. Ал, 23-24 қаңтар күндері тек үздіктер сынға түседі. «Осылайша турнирді тамашалауға қызығушылық артады және жарысты ұйымдастыру деңгейі көтеріледі» - дейді турнирді ұйымдастырушылар. Қазақстан чемпионаты Әлем чемпионаты алдындағы дайындық ретінде өтеді. Жарыс туралы арнайы репортажды «KAZsport» телеарнасынан көре аласыздар