Универсиада-2015. Алғашқы жарыс күнінің қорытындысы (ВИДЕО)

Қазақстан жарыстың алғашқы күнінің қорытындысы бойынша жалпы есепте көш бастап келеді.

Ел қоржынында екі алтын медаль бар. Шаңғышы  Анастасия Слонова спринтерлік жарыста, ал биатлоншы Алина Райкова 15 шақырымдық жекелей сында топ жарды.

Жалпы есепте жеті медаль жинаған Ресей екінші орында тұр. Бұл елдің спортшылары 1 алтын, 3 күміс және 3 қола медаль еншіледі. Үздік үштікті бір алтын медаль жеңіп алған Украина түйіндеп тұр.

Қысқы Универсиада  Испанияның Гранада қаласында өтуде. Бұл қала жарысты қабылдауға жалғыз үміткер болғанын айта кету керек. Сол себепті FISU шаңғы және биатлон жарыстарын Словакияның Штрбске-Плесо және Осрблье орталықтарын өткізуді ұйғарды.