Бразилиядағы дағдарыс 2016 жылғы Олимпиадаға кедергі келтірмейді

Саяси және экономикалық ахуал Рио-де-Жанейрода 2016 жылғы жазғы Олимпиада ойындарын өткізуге әсер етпейді. Бұл туралы Германияның «Kicker» басылымына сұхбат берген Халықаралық Олимпиада комитетінің президенті Томас Бах мәлімдеді. Желтоқсан айында «Fitch» халықаралық рейтинг агенттігі Бразилия рейтингісін «BB+» деңгейінен «BBB-» деңгейіне түсірген. Бұл көрсеткіш бойынша болжам «негативті» болып белгіленген. «Бразилияда қазір жағдай қиын, ондағы саяси және экономикалық ахуал бізге белгілі. Ел терең дағдарыс жағдайында. Алайда, құрылыс нысандары аяқталды, сондықтан біз Олимпиада ойындарына куә боламыз», деді Бах. XXXI жазғы Олимпиада 2016 жылғы тамыздың 5-нен 21-і аралығында өтеді. Олимпиада ойындары Оңтүстік Америкада алғаш рет ұйымдастырылуда.