Биатлоншы Арина Пантова жасөспірімдер арасындағы Олимпиадада қола медаль жеңіп алды

Осы күндері Норвегияның Лиллехаммер қаласында жасөспірімдер арасындағы ІІ қысқы Олимпиада ойындары өтуде. Жарыстың 3-ші күні Қазақстан құрамасының қоржыны алғашқы жүлдемен толықты. Қыздар арасындағы биатлон спринтінде (6 шақырым) сынға түскен Арина Пантова қола медаль жеңіп алды. Ал, бұл жарыста германиялық биатлоншысы Юлиана Фруует жеңімпаз атанса, 2-ші орынды норвегиялық Марта Йохансен иеленді. Биатлон. ІІ қысқы жасөспірімдер Олимпиадасы. Лиллехаммер (Норвегия) Спринт. Нысана көздеу. 6 шақырым. 1. Юлиана Фрууерт (Германия) - 18:23.5 (0+0) 2. Марта Йохансен (Норвегия) - +5.6 (0+1) 3. Арина Пантова (Қазақстан) - +17.1 (1+1). Фото: lillehammer2016.com