Таэквондошы Әбілқайыр Ескендір «Тurkish Open» халықаралық турнирінің алтын медалін жеңіп алды

Қазақстанның жас таэквондошысы Әбілқайыр Ескендір бұл күндері Түркияның Белек қаласында өтіп жатқан «Turkish Open» халықаралық турнирінің алтын медалін жеңіп алды. Турнирдің екінші күнінде жасөспірімдер арасындағы жарыста қазақстандық спортшы Әбілқайыр Ескендір Болгария, Түркия және Норвегиядан келген спортшыларды жеңіп, 68 келіде чемпион атанды. Еліміздің тағы бір таэквондошысы Рабиль Сағитжанов (45 кг) жарыс барысында 4 түркиялық спортшыларды жеңсе, финалдық кездесуде ирандық Амир Валипоурдан жеңіліп, күміс медальді еншіледі. Еске сала кетейік, жарыстың бірінші күнінде Қазақстандық таеквондошылар Түркиядан үш медаль жеңіп алды.