Денис Тен «Coupe du Printemps» жарысында екінші орын алды

Жарыстың бірінші күніндегі қысқа бағдарламада қазақстандық мәнерлеп сырғанаушы 86,95 ұпай жинап, үздік атанды. Еркін бағдарлама қорытындылары бойынша Денис Тен 133,09 ұпаймен төртінші орында болды. Жарыстың жалпы кестесінде қазақстандық спортшы 220,04 ұпаймен екінші орын алды. Турнирдің бас жүлдесін Бельгия спортшысы Йорик Хендрикс иеленсе, үшінші орынға жапондық Такахито Мура лайықты деп танылды. Бұған дейін Денис Тен төрт құрлық чемпионатына жарақатына байланысты қатыса алмаған. Денис Тен 28 наурыз бен 3 сәуір аралығында Бостонда өтетін Әлем чемпионатына қатысуды жоспарлауда.