Риддерде шаңғы жарыстары бойынша ҚР чемпионаты аяқталды

Алексей Полторанин туған қаласында ерлер арасында классикалық стильмен жарысуда үздік атанды. Бұл спорт түрінен әйелдер арасында бірінші орынды ШҚО-ның тағы бір өкілі Елена Коломина алды. Сондай-ақ, спринт, скиатлон, эстафета және командалық спринтте жарыстар өтті. Ерлер мен әйелдерден басқа елдегі үздіктер атағына жастар да таласты. Жарыс қорытындылары бойынша, жалпыкомандалық есепте бірінші орынды Шығыс Қазақстан облысы алды. Екінші орынды Ақмола облысы иеленді. Үшінші орын Қостанай облысына бұйырды. Республикалық біріншілікке барлығы 10 облыстың спортшылары қатысты.