Винченцо Нибали – 2014 жылдың үздік велошабандозы

Италиялық спортшы 2014 жылғы Тур де Франстағы айқын жеңісі арқылы Cyclingnews оқырмандарының қолдауына ие болып, жылдың үздік велошабандозы атанды, деп хабарлады astanafans.com. Нибалидің таулы кезеңдегі шабуылдары, Альберто Контадор мен Крис Фруммен күресі (жарыстан шығып қалғанына қарамастан) Cyclingnews оқырмандарына әсер еткен. «Астана» көшбасшысының Тур де Франстың 5-ші кезеңінде көрсеткен еңбегі мен жігері Нибалиге жанкүйер болатын адам санын көбейтті. Сауалнамада Винченцо Нибали «Вуэльта» жеңімпазы Альберто Контадорды 2 пайыз айырмашылығымен жеңген. Ал, Әлем чемпионы Михал Kвятковскиден (Etixx-QuickStep) 10 пайызға артық дауыс жинаған.