Дидар Хамза дзюдодан «European Open» жарысының жеңімпазы атанды

Кеше Австрияның Оберварт қаласында дзюдо күресінен «EuropeanOpen» жарысы аяқталды. Турнирге 48 елден келген 242 спортшы қатысты. Алғашқы күннің қорытындысы бойынша 73 келідегі дзюдошымыз Дидар Хамза чемпион атанды, деп жазады дзюдо федерациясының ресми сайты. Дидар Хамза алдымен румындық Роберт Флорин Папты жеңіп, кейін австриялық Христофер Вагнерден басым түсті. Мұнан соң, мысырлық Мохамед Мухелдинді ұтып, жартылай финалда Бразилия палуаны Алек Вилиам Помбо Да Силваны тізе бүктіртті. Ал, финалдық кездесуде Дидар Хамза тағы бір Бразилия өкілі Маркело Континиді жеңіп, «European Open» жарысының жеңімпазы атанды.