Талдықорғанда күрестен Ж.Үшкемпіровтің 65 жылдығына арналған халықаралық турнир өтіп жатыр

Кеше Талдықорған қаласындағы «Жастар» Спорт сарайында Мәскеу Олимпиадасының чемпионы Жақсылық Үшкемпіровтің 65 жылдық мерейтойына арналған грек-рим күресінен жастар арасында Халықаралық турнир басталды, деп хабарлады облыс әкімінің баспасөз қызметі. Жарысқа еліміздің барлық аймақтарынан 16 команда, сонымен қатар Өзбекстан, Қырғызстан, Армения және Түркия елдерінен 200-ден астам палуан қатысуда. Естеріңізге сала кетейік, Жақсылық Үшкемпіров 1980 жылғы Мәскеу Олимпиадасының чемпионы, 1975, 1980 жылдары КСРО чемпионы, 1981 жылы Норвегияның Осло қаласында өткен Әлем біріншілігінің жеңімпазы, 1982 жылғы Әлем кубогінің иегері (Венгрия, Будапешт).