Эден Азар «Челси» клубында ең көп жалақы алатын болады

Лондондық «Челси» клубының жартылай қорғаушысы Эден Азар жаңа келісімшартқа қол қоюға жақын, деп хабарлайды The Daily Telegraph. Әзірге екіжақты келісімнің толық нұсқасы белгісіз. Алайда, басылымның мәліметі бойынша, «Челси» 23 жастағы бельгиялыққа аптасына 200 мың фунт стерлинг төлейді. Осылайша, ол клубта ең көп жалақы алатын ойыншы атанады. Айта кетейік, Азардың қазіргі келісімшарты тек 2017 жылы аяқталады. Ол «Челси» құрамасында 2012 жылдан бері ойнайды. Осы маусымда Бельгия құрмасының ойыншысы клуб үшін 16 матчта 6 гол соғып, 3 нәтижелі пас берген.