Мартин Шкртел соққан гол «Ливерпульді» жеңілістен құтқарды

21 желтоқсан күні Англия чемпионатының 17-тур аясында «Ливерпуль» өз алаңында лондондық «Арсенал» клубын қабылдаған. Ойын 2:2 есебімен аяқталды. Алаң иелері сапынан 45-ші минутта Филиппе Коутиньо және Мартин Шкртел (90+7) гол соқты. Ал, «Арсенал» клубынан Матье Дебюши (45) мен Оливье Жиру (64) мергендік танытты. Ойын өте қызықты әрі тартысты өтті. Матчтың 90-шы минутында екі сары қағаз алған «Ливерпуль» шабуылшысы Фабио Борини алаңнан қуылды. Ал, «Сандерленд» пен «Ньюкасл» арасындағы ойын 1:0 есебімен аяқталды. Әзірге Ағылшын чемпионатының бірінші орнында 39 ұпай жинаған лондондық «Челси» тұр. Осынша ұпай жинаған «Манчестер Сити» клубы екінші орында. Ал, 32 ұпай жинаған «Манчестер Юнайтед» үшінші сатыға орналасты. Фото: © EPA/PETER POWEL