Юрий Красножан шәкірттері Молдова құрамасымен жолдастық кездесу өткізеді

Футболдан Қазақстан Ұлттық құрамасы 11-19 ақпан күндері Түркияда оқу-жаттығу өткізеді. Осыған байланысты 18 ақпанда Ұлттық құрама футболшылары Антальяда Молдова құрамасымен ойын өткізеді. Айта кетейік, 2013 жылы қазақстандық футболшылар жолдастық кездесу аясында Молдова құрамасын 3:1 есебімен ұтқан. Сол кезде Мирослав Беранек жаттықтырған Қазақстан құрамасы сапынан Виктор Дмитренко бір гол соғып, Бауыржан Жолчиев дубль жасаған. Ал, Молдова сапынан Анатолий Дорош гол соққан еді.