Бүгін Ұлттық арна Австрия-Венгрия ойынын тікелей эфирде ұсынады

Бүгін «E» тобы Еуропа чемпионатындағы 1 тур ойындарын аяқтайды. Алғашқы матч Австрия мен Венгрия құрамаларының арасында өтеді. Бұл ойынды «Қазақстан» Ұлттық телеарнасы сағат 21:50-де тікелей эфирде көрсетеді. Австрия құрамасы Еуропа чемпионатына екінші рет қатысып жатыр. Ең алғаш, 2008 жылы қатысып, топтан шыға алмаған. Ал, Венгрия құрамасы Еуропа чемпионатында биыл үшінші рет бақ сынап жатыр. Соңғы рет 1972 жыл қатысып, топтан шыға алмаған болатын. Ал, 1964 жылы үшінші орын иеленген. Австрия мен Венгрия құрамалары бұған дейін жалпы саны 137 рет кездескен екен. Австрия 40 рет жеңіске жеткен болса, Венгрия құрамасы 67 рет ұтқан. Ал, 30 ойында тең нәтиже тіркелген. Айта кетейік, Австрия-Венгрия матчының қайталауын ертең, 15 маусымда, «Kazsport» телеарнасынан сағат 09:05-те тамашалай аласыздар.