Бүгін Ұлттық арна Еуро-2016 аясындағы Португалия-Исландия матчын тікелей эфирде көрсетеді

Бүгін «Е» тобындағы екінші ойын Португалия мен Исландия құрамаларының арасында өтеді. Бұл ойынды «Қазақстан» Ұлттық телеарнасынан сағат 00:50-де тікелей эфирде тамашалай аласыздар. Бұл ойынға дейін Португалия мен Исландия құрамалары 4 рет кездескен. 4 ойында да Португалия құрамасы жеңіске жеткен. Бүгінгі ойында Исландия құрамасы алғашқы жеңісіне қол жеткізуге мүмкіндігі бар. Ал, Португалия құрамасы Еуропа чемпионатында биыл 7-ші рет қатысуда. Соңғы рет 2012 жылы қатысып, финалда сүрінген болатын. Ал, Исландия құрамасы құрлықтық додаға тұңғыш рет қатысуда. Айта кетейік, Португалия-Исландия матчының қайталауын ертең, 15 маусымда, «Kazsport» телеарнасынан сағат 12:50-де көре аласыздар.