Бүгін «Kazsport» ауыр атлетикадан ҚР чемпионатын тікелей эфирде көрсетеді

Ауыр атлетикадан ел біріншілігі бүгін Талдықорған қаласындағы «Жастар» спорт сарайында басталады. Турнирге еліміздің әр облысынан келген 200-ден астам спортшы қатыспақ. Сондай-ақ, Олимпиада, Әлем, Азия және халықаралық турнирлердің жеңімпаздары да қатысады. Атап айтқанда: Ерлер: Илья Ильин, Владимир Седов, Александр Зайчиков, Кирилл Павлов, Денис Уланов, Нижат Рахимов, Ибрагим Берсанов, Селимхан Абубакаров, Фархат Харки, Арли Чонтей, Айдар Казов, Александр Ким. Қыздар: Светлана Подобедова, Майя Манеза, Зульфия Чиншанло, Жазира Жаппарқұл, Маргарита Елисеева, Карина Горичева, Надежда Ногай, Сәуле Сәдуақасова, Әсем Садықова және Александра Аборнева. Ауыр атлетикадан Қазақстан Ұлттық құрамасының бапкері Алексей Нидің айтуынша Қазақстан чемпионатында үздік нәтиже көрсеткен спортшылар Рио Олимпиадасына бармақ. Қазақстан Ұлттық құрамасы сапынан Олимпиадаға 6 ер және 4 қыз қатысады. «Kazsport» телеарнасының тікелей эфир кестесі: 3 маусым. 11:00 – 56 келі (ерлер) 15:00 – Ашылау салтанаты 15:30 – 48 және 53 келі (қыздар) 4 мауысым. 11:00 – 62 келі (ерлер) 15:00 – 58 және 63 келі (қыздар) 5 маусым. 11:00 – 69 келі (ерлер) 15:00 – 69, 75 және +75 келі (қыздар) 6 маусым. 11:00 – 77 келі (ерлер) 15:00 – 85 келі (ерлер) 7 маусым. 11:00 – 94 келі (ерлер) 15:00 – 105 және + 105 келі (ерлер)