«Әлем Барысына» Украина елінен Андрей Кунык қатысады

«Әлем Барысында» Украина елі үшін күресетін палуанның есімі белгілі болды. Ол – 26 жастағы Кунык Андрей Николаевич. Андрей қазақ күресін өте жақсы білетін, оның айла-тәсілдеріне машықтанған палуандардың бірі. Тіпті, 2012 жылы қазақ күресінен өткен Әлем чемпионатының қола жүлдегері де атанып үлгерген. Андрей 1988 жылы Киев қаласында дүниеге келген. Жасы – 26. Бойы – 185 см. Салмағы – 92 келі. Жетістіктері: «Алыш» белбеу күресі бойынша еңбек сіңірген спорт шебері. «Алыш» белбеу күресі бойынша 2009 жылы Шауляйда (Литва) өткен Еуропа чемпионатының жеңімпазы; «Алыш» белбеу күресі бойынша 2010 жылы Астанада (Қазақстан) өткен Әлем чемпионатының қола жүлдегері; «Алыш» белбеу күресі бойынша 2011 жылы Пунада (Үндістан) өткен Әлем чемпионатының жеңімпазы; «Қазақ күресі» бойынша 2012 жылы Қарағандыда (Қазақстан) өткен Әлем чемпионатының қола жүлдегері; «Алыш» белбеу күресі бойынша 2013 жылы Пелосток (Польша) өткен Әлем чемпионатының қола жүлдегері. facebook.com/KazakhstanBarysy