Милад Карими спорттық гимнастикадан Азия ойындарының күміс жүлдегері атанды

Қазақстандық гимнаст Милад Карими Жапонияның Аичи-Нагоя қалаларында өтіп жатқан XX жазғы Азия ойындарында еркін жаттығудан күміс медаль иеленді.

Финалда отандасымыз 14.600 ұпай жинап, екінші орынға тұрақтады. Алтын медаль Филиппин өкілі Карлос Юлоға бұйырса, жапониялық Цукияме Шома 14.566 ұпаймен қола жүлдеге ие болды.

Осылайша, Қазақстан спорттық гимнастикадан еркін жаттығу бағдарламасында 32 жылдан кейін қайтадан күміс медаль жеңіп алды. Соңғы рет 1994 жылы Хиросима Азия ойындарында Сергей Федорченко осы жаттығудан екінші орын алған еді.