«Әлем Барысына» Моңғолия елінен келетін палуан белгілі болды

Моңғолия палуандары бүгінде күрестің қай түрінен болмасын өздерін әлемге мойындатып келеді. Қазақ күресі де моңғолиялық палуандар үшін таңсық емес. Өткен жылы «Еуразия Барысында» да осы елдің палуандары керемет күресті. Енді «Әлем Барысында» да бақ сынап көрмек. Қазақ күресінің жанкүйерлері «Әлем Барысында» күресетін Моңғолия палуанының есімі кім деп тағатсыздана күтті. Ол – Алтангэрэл Давааням. Жетістіктері: Халықаралық дәрежедегі спорт шеберi; Белбеу күресiнен Әлем чемпионы; Қазақ күресiнен Азия чемпионы; Қажымұқан Мұңайтпасұлы атындағы халықаралық жарыстың екі дүркін чемпионы; Қызылорда облысында өткен жарыс жеңiмпазы; Үндiстанда өткен қазақ күресiнен өткен Әлем кубогының жеңімпазы.