«Әлем Барысы». Павлодарға уругвайлық палуан келеді

«Әлем Барысына» мұхит асып, сонау Латын Америкасынан да палуандар келмек. Соның бірі уругвайлық – Хуан-Пабло Мело Бортоли. Мело Бортоли өте әмбебап палуан. Самбо, еркін күрес, джиу-джитсу, грек-рим күресінен хабары әрі жүлделері де бар. Бүгінде Латын Америкасындағы ең үздік палуандардың бірі осы – Мело Бортоли. Туған жыл – 1979 ж. Жасы – 35. Бойы – 190 см. Салмағы – 100 келіден жоғары. Жетістіктері: 2006, 2007 жылдары джиу-джитсудан Жапонияда өткен халықаралық жарыстың күміс жүлдегері; 2006, 2007 жылдары самбодан Парагвайда өткен жарыстың жеңімпазы; 2008–2012 жылдар аралығында әскери самбодан Аргентина чемпионы; 2011, 2013 жылдары Аргенитанада өткен самбодан және еркін күрестен өткен жарыстың күміс жүлдегері; 2013-2014 жылы грек-рим күресінен екі дүркін Уругвай чемпионы және екі жыл қатарынан Уругвайдың ең үздік палуаны атанған.