Чехиялық палуан «Әлем Барысына» қатысады

Чехия тарихында дзюдодан ең үлкен жетістікке жеткен палуан – Лукаш Крпалек. 2013 жылы Парижде өткен мәртебелі турнирде (Гранд Слэм) үздік шығып, дзюдодан 100 келіге дейінгі салмақ дәрежесінде әлемдік рейтингтің көшін бастады. Енді осы Чехияның ғана емес, әлемнің үздік палуаны «Әлем Барысында» қазақ күресінен өз елінің намысын қорғайды. Туған жылы – 1990 ж. Бойы – 195 см. Салмағы – 100 келі. Жетістіктері: 2013 жылы дзюдодан Будапешт қаласында өткен Еуропа чемпионатының жеңімпазы; 2013 жылы дзюдодан Рио-де-Жанейрода өткен Әлем чемпионатының қола жүлдегері; 2014 жылы дзюдодан Монпелье қаласында өткен Еуропа чемпионатының жеңімпазы; 2014 жылы дзюдодан Челябинскіде өткен Әлем чемпионатының жеңімпазы.